Ronaldo e nisi karrierën te klubi portugez dhe gjithmonë ka pranuar se do ta mbyll karrierën në stadiumin “Jose Alvalade”, transmeton lajmi.net.

Portugezi ka edhe një vit në kontratë me Juventusin, por ka spekulime të shumta që do largohet këtë vit, sidomos nëse “Zonja e Vjetër” nuk e siguron pjesëmarrjen në Ligën e Kampionëve.

Nëna e Ronaldos ka zbuluar se pesë herë fituesi i Topit të Artë qysh në verën e ardhshme do rikthehet te Sporting.

“Do të flas me të dhe do ta bind që të kthehet, vitin e ardhshëm ai do të luajë në stadiumin “Jose Alvalade”. Jam e lumtur për titullin që fitoi ky ekip dhe tani do të përpiqem ta bind atë”, tha ajo.

Ndërkohë, interesim për Ronaldon ka shprehur edhe PSG-ja./Lajmi.net/