Tërmeti i fuqishëm i shkallës 7.7 që goditi Myanmarin të premten solli momente të jashtëzakonshme të tmerrit dhe dëshpërimit, ndërsa videot e shpërndara nga të mbijetuarit në rrjetet sociale zbulonin pamje nga rrënojat.

Në një nga videot më dramatike, dy vajza, 13 dhe 16 vjeç, dhe gjyshja e tyre shfaqen të shtrira nën rrënoja e një ndërtese të shembur, pas goditjes nga tërmeti në qytetin e Mandalay, i cili ndodhet afër epiqendrës së tërmetit.

Përpjekja e tyre për të shpëtuar nga apartamenti në katin e gjashtë përfundoi tragjikisht, pasi ndërtesa u shemb papritur kur ato ishin duke u përpjekur të arratiseshin përmes shkallëve të urgjencës.

Babai i vajzave fillimisht mendoi se ato dhe gjyshja kishin humbur jetën dhe kërkoi ndihmë në rrjetet sociale për të gjetur trupat e tyre. Mirëpo, për fat të mirë, vajzat ishin ende gjallë, pasi kishin regjistruar video në momentet e fundit, duke shpresuar se telefonat do të gjenin ndihmë.

VIDEO

Në mes të panikut dhe përpjekjeve të pafundme, vajzat dhe gjyshja e tyre kishin mbajtur telefonat e tyre dhe kishin mundësinë të regjistronin disa momente kritike. Babai i vajzave shpërndau një mesazh emocionues në Facebook, duke theksuar se ato kishin mbajtur telefonat dhe kishin shpresuar se dikush do t’i gjenin dhe do të mund të dëgjonin mesazhin.

Kur shpëtuesit mbërritën në vendin e ngjarjes, ata përdorën një çekiç për të krijuar një hapje të vogël në rrënoja dhe për t’u dhënë ujë vajzave dhe gjyshes. Pasi kërkuan pajisje shtesë për t’i nxjerrë ata, vajzat, të mbetura vetëm dhe të detyruara të përdorin guximin e tyre, përdorën çekiçin për të zgjeruar hapjen dhe për të shpëtuar jetën.