Shërbimi i Kërkim-Shpëtimit Malor të Kosovës ka filluar kërkimin e Nebi Tejecit, 85 vjeçarit nga Gorozhupi i Hasit.

Ai është raportuar i zhdukur që nga orët e vona të datës 22 qershor 2025.

Një skuadër e ShKShMK-së, në koordinim të plotë me Policinë e Kosovës dhe banorët e fshatit, ka krehur një perimetër të gjerë në fshatin Gorozhup.

Fatkeqësisht, pavarësisht përpjekjeve intensive, nuk është gjetur asnjë gjurmë e personit të humbur.

Operacioni i kërkimit është pezulluar për momentin, deri në grumbullimin e informacioneve të reja dhe të nevojshme.

Informacione për Personin e Humbur:

* Emri: Nebi Tejeci

* Viti i lindjes: 1940

* Vendbanimi: Fshati Gorozhup

Çdo informacion që mund të ndihmojë në gjetjen e zotit Tejeci është i mirëpritur. Ju lutemi të kontaktoni Policinë e Kosovës ose ShKShMK-në nëse keni ndonjë të dhënë.