Ndonëse është duke prirë Manchester City në garën për të titullin kampion, kjo gjë ende nuk është siguruar.

Dhe, nëse eventualisht ndodh që Liverpooli ta kapërcejë skuadrën e Guardiolas në tabelë, i duhet të paguajë një bonus në drejtim të Wolves, transmeton lajmi.net.

“Të Kuqtë” e kanë transferuar Diogo Jotan pikërisht nga “Ujqërit” dhe në rast triumfi në elitën e futbollit anglez, do të duhej t’ia paguante një shpërblim kësaj skuadre për lojtarin.

E gjitha kjo është rregulluar në marrëveshjen që klubet kanë arritur me njëra-tjetrën në momentin e transferimit.

Jota është duke shkëlqyer me Liverpoolin që prej ardhjes së tij në “Anfield Road” duke u bërë një pjesë e rëndësishme e skuadrës. /Lajmi.net/