Një punëtor i këtij blloku, i cili ka preferuar të mos i përmendet emri, ka thënë për lajmi.net se ngjarja tragjike ka ndodhur në repartin ku mbahen bombolat e hidrogjenit, disa prej të cilave kanë shpërthyer.

Sipas këtij punëtori, këto bombolat e hidrogjenit janë të një kompanie private dhe mbahen aty pasi me to furnizohet edhe Koorporata Elektroenergjetike.

Ndërkohë, në vendin e ngjarjes kanë shkuar kryeministri Hashim Thaçi, ministri i Zhvillimit Ekonomik, Fadil Ismajli, zyrtarë të tjerë të kabinetit qeveritar dhe menaxhmenti i KEK-ut.      

Ministri Ismajli ka thënë se situata po stabilizohet, shpërthimi ka ndodhur jashtë reparteve ku prodhohet rryma dhe i ka lutur mediat të mos nxisin panik tek popullata, pasi sipas tij nuk ka rrezik për ndonjë shpërthim tjetër.