Një aksident trafiku mes një veture dhe një motoçiklete ka ndodhur të shtunën më 31 maj, në Prizren.

Njëri nga të lënduarit nga ky aksident, vozitësi i motoçikletës ka ndërruar jetë gjatë trajtimit në QKUK.

“Rr.Besim Shala, Prizren 31.05.2025-18:15. Lidhur me rastin, me 01.06.2025 ne QKUK Prishtinë ka ndërruar jete një mashkull kosovar. Me vendim te prokurorit, trupi i pajete dërgohet ne IML për obduksion”, ka njoftuar Policia e Kosovës. /Lajmi.net/ 

Në lidhje me aksidentin, Policia e Kosovës pati dhënë detaje edhe dje përmes raportit 24 orësh, 1 ditë pas aksidentit.

“AKSIDENT TRAFIKU ME LËNDIME TË RËNDA- Rr. Besim Shala-Grazhdanik Prizren,31.05.2025-18:15. Ka ndodhë një aksident trafiku me të lënduar ku të përfshirë kanë qenë një automjet me targa vendore dhe vozitësh mashkull/k dhe një motoçiklete me vozitës m/k, i mitur. Si pasojë e aksidentit lëndime të rënda ka pësuar vozitësi i motoçikletës si dhe një pasagjer i veturës. Vozitësi i motoçikletës për shkak të lëndimeve të rënda dërgohet në QKUK-së për tretman mjekësorë. Rasti është duke u hetuar”, pati thënë Policia e Kosovës pas aksidentit.