Sot bëhen dy vjet nga sulmi terrorist në Banjskë.

Në dyvjetorin e vdekjes së tij është nderuar rreshteri Afrim Bunjaku, i cili ra heroikisht gjatë këtij sulmi.

Familjarë, zyrtarë të lartë shtetërorë, pjesëtarë të Policisë së Kosovës dhe qytetarë të shumtë vendosen kurora lulesh tek varri i rreshterit.

Në ceremoninë e homazheve, një moment ishte tejet prekës për të gjithë të pranishmit, ku djali i vogël i heroit Afrim Bunjaku nuk i mbajti lotët pas vendosjes së luleve pranë varrit të babait të tij.

Ai shihet derisa ngushëllohet nga familjarët e të pranishmit dhe zëdhënësi i policisë së Kosovës, Baki Kelani.

Figura e Afrim Bunjakut mbetet simbol i sakrificës dhe guximit në mbrojtje të rendit kushtetues, jetës dhe sigurisë së qytetarëve të Republikës së Kosovës./Lajmi.net/