Sane ka parë formën e tij në rënie javëve të fundit dhe kjo ka shtyrë gazetarët që të pyesin trajnerin Nagelsmann për komentet e tij.

Kreu i stolit të Bayern ka thënë se nuk ka ndonjë përgjigje konkrete mbi atë se pse gjermani nuk po luan në nivelin më të mirë të mundshëm.

“Më pëlqen shumë Leroy, edhe si person edhe si lojtar. Të gjithë e dinë se ai ka kualitete të shkëlqyera”, ka thënë Nagelsmann, transmeton lajmi.net. “Ai është vetëkritik dhe e di edhe vet se nuk ka luajtur mirë së fundmi”, shtoi trajneri.

“Unë nuk e di saktësisht pse po ndodh kjo”, ishin fjalët e Nagelsmann.

Bayern po shkon bindshëm drejt titullit të radhës në Bundesliga, kurse në Champions League duhet të përmbysin Villarrealin pas humbjes në ndeshjen e parë çerekfinale. /Lajmi.net/