Zëdhënësi i Lidhjes Demokratike të Kosovës, Besian Mustafa, në konferencën tashmë të rregullt për media, ka thënë se çdo ditë që kalon gjithnjë e më shumë njerëz po i bashkohen LDK-së.

Sipas tij, Kosova është e gatshme për ndryshim.

“Më shumë po ka LDK-ja përkrahës në një mahallë se sa VV-ja në gjithë qytetin”, tha Mustafa.

“Entuziazmi për fitoren e madhe të LDK-sëedhe në fshatra po i tejkalon tubimet e pushtetit në kryeqendra. Ka prezencë nënumra rekord në çdo tubim të LDK-së nëçdo lagje, në çdo fshat e në çdo qytet tëKosovës, siç pamë dje në Deçan, Junik dhe Baran”, tha ai.

Sipas Mustafës, pushteti tanimë e ka humbë betejën dhe tash po mundohen të duken kinse po punojnë në fushatë, pa prekë punë me dorë 4 vjet.

Mustafa tha se qytetarët e kanë të qartë dhe kanë vendosur se cila është adresa për të zhvilluar Kosovën për 4 vitet e ardhshme.

“Partia e vetme me vizion dhe program të qartë, Lidhja Demokratike e Kosovës. Andaj, i ftojmë të gjithë qytetarët të na bashkohen. Këto zgjedhje janë jetike. Nëse ia doni të mirën të ardhmes së Kosovës, nuk mund të qëndroni në shtëpi, nuk mund të jeni neutral, duhet të ngriheni dhe të votoni për ndryshim, të votoni LDK-në”, tha Mustafa. /Lajmi.net/