Ish-ministri i Financave dhe Transfereve, Hekuran Murati, ka reaguar pas caktimit të datës së zgjedhjeve të parakohshme parlamentare nga Presidentja e vendit, Vjosa Osmani.

Përmes një postimi në llogarinë e tij në Facebook, Murati ka thënë se caktimi datës 28 dhjetor për zgjedhje është vendimi i duhur.

Kjo pasi sipas tij, kjo do të mundësoj daljen sa më të madhe të qytetarëve për të votuar marrë parasysh edhe ardhjen e diasporës.

Postimi i plotë:

Caktimi i datës 28 dhjetor për zgjedhje është vendimi i duhur.

Kjo e mundëson daljen sa më të madhe të qytetarëve për të votuar marrë parasysh edhe ardhjen e diasporës, por edhe i jep kohë të mjaftueshme KQZ-së për të organizuar zgjedhjet sa më mirë.

Na priftë e mbara! /Lajmi.net/