Mudryk me një mesazh interesant në rrjetet sociale: “Jam luftëtar që në fund i fitoj të gjitha betejat…”

Sport

16/02/2023 18:31

Lojtari i Kombëtares së Ukrainës, Mikhailo Mudryk mbrëmë pësoi një disfatë me Chelsean në UEFA Champions League ndaj Borussia Dortmundit në ‘Iduna Park’.

Sot gjatë ditës futbollisti ukrainas ka bërë një postim interesant në rrjetet sociale, shkruan Lajmi.net

Ai shkruan se është një luftëtar që s’i pëlqen aspak disfata dhe që në fund i fiton të gjitha betejat.

“Jam këtu për të ju treguar se si është një ukrainas. Një luftëtar. Një luftëtar që dëshiron sfidat. Një luftëtar i lindur për t’i sfiduar. Asgjë nuk e fikson një njeri që vendos gjithcka brenda vijave, si një fitues. Një luftëtar që gjatë rrugës humbet beteja, por që në fund e fiton luftën”, shkruhet në postimin e lojtarit

Mudryk te Blutë e Londrës u transferua nga gjiganti ukrainas, Shakhtar për 80 milionë euro. Deri tani ka zhvilluar katër paraqitje me Chelsean por pa ndonjë gol apo asist./Lajmi.net/