Sot, në ditën e Fitër Bajramit, moti në vend paraqitet kryesisht i vranët me intervale të shkurtra me diell, duke krijuar kushte të qëndrueshme gjatë orëve të paradites dhe mesditës.

Temperaturat minimale gjatë mëngjesit zbresin rreth -1 deri në 1°C, ndërsa gjatë ditës pritet që ato të arrijnë në vlera më të buta, rreth 9 deri në 12°C. Kjo e bën ditën relativisht të ftohtë në orët e para, por më të këndshme në pjesën e dytë të ditës, transmeton lajmi.net.

Era fryn kryesisht nga verilindja me shpejtësi të ulët, 1–5 m/s, duke mos sjellë ndryshime të ndjeshme në ndjesinë e temperaturës.

Në përgjithësi, kushtet atmosferike janë të favorshme për vizita familjare dhe aktivitetet e ditës së festës, pa reshje të pritshme gjatë ditës./lajmi.net/