Trajneri i mirënjohur kosovar, Arbnor Morina në një intervistë për lajmi.net ka folur rreth punimeve të stërzgjatura në stadiumin e Gjilanit.

Morina që ka shijuar edhe si trajner derbin e Anamoravës në kohën sa ishte trajner i Dritës dhe Gjilanit ka kujtuar kohën kur gazetarët anglezë ishin në stadium për ta përcjellur derbin më të madh të futbollit në Kosovë.

“Prej Londrës erdhën të shkruajnë për derbin e Gjilanit. Gazetari në fund pyet se si hynin 6-7 mijë tifozë në stadium. Kur ua kemi treguar që hyjnë nga vetëm një derë, janë çudit. Po nga një derë kanë hy dhe kanë dalë dhe nuk kanë pasur probleme mesvete” – tha trajneri Arbnor Morina në një intervistë për lajmi.net.

Tekniku që tanimë udhëheq Kombëtaren U17 të Kosovës tha se qyteti i Gjilanit e meriton stadiumin.

“Ai qytet e meriton atë stadium më në fund që sa e sa vite”, deklaroi ndër tjerash.

Intervistën e Arbnor Morinës mund ta shikoni mëposhtë./Lajmi.net/