“Sot e mbajta një takim të nivelit të lart për normalizimin e marrëdhënieve mes Beogradit dhe Prishtinës mes kryeminstrit Aleksander Vuqiq dhe Isa Mustafa së bashku me delegacionet. Ne kemi arritur të finalizojmë zbatimin e marrëveshjes në katër tema: Energjinë , telekomin, themelimin e  Asociaconit të komunave me shumicë serbe dhe lirinë e lëvizjes në urën e Mitrovicës”, ka deklaruar Mogherini në faqen zyrtare të Bashkimit Evropian, raporton lajmi.net.

Ja deklarata e plotë e Frederica Mogherini:

Kryeministrat e Kosovës dhe Serbisë, shënuan një pikë të rëndësishme në agjendën e dialogut.

Ata u pajtuan në parim për elementin kryesor që është mënyra e themelimit të Asociacionit serb, i cili hap rrugën për krijimin e tij.

Ata po ashtu u dakorduan për marrëveshjen e energjisë dhe planin e aksionit per telekomin, i cili do të lehtësojë operimin  e sistemin të telekomunikacionit në Kosovë.

Përfundimisht, kryeministrat u pajtuan edhe për urën e Ibrit. Kjo do të definojë që ura të shfrytëzohet nga të dyja palët që do të jetë njëkohsisht simbolik e shpirtit të dialogut që unë jam duke e lehtësuar.

Arritjet e sotme prezentojnë një pikë kthesë në procesin e normalizimit.

Zgjidhjet që janë gjetur sot, sjellin benefite për njerëzit dhe i ndihmojnë të dyjat palët në rrugën e tyre evropiane.

Dedikimi i dy kreministrave ishte i dobishëm dhe unë konfirmoj se  BE-ja do të mbështesë aktivisht zbatimin e plotë të këtij rezultati.

Ne do të vazhdojmë të punojmë në hapat e mëtutjeshëm të dialogut në muajt e ardhshëm./lajmi.net.