“Kemi informacione dhe dyshime të caktuara se individë ose grupe mund të kryejnë sulme të caktuara ndaj individëve ose objekteve, në shenjë hakmarrjeje për realizimin e aksionit nga ana e policisë. Por duhet të them se siguria e vendit është stabile. Këto informacione tregojnë mundësi për kërcënime asimetrike. Të tilla ka edhe në vendet më të fuqishme në BE dhe më gjerë, në SHBA”, deklaroi Mitko Çavkov, Ministër i Brendshëm, raportojnë mediet maqedonase.