Projektligji për Arsimin e Lartë është miratuar në parim nga Komisioni Parlamentar për Arsim.

I njëjti do t’i përcillet në lexim të parë Kuvendit të Kosovës

Para anëtarëve të Komisionit, Ministri i Arsimit, Ramë Buja elaboroi ndryshimet që janë bërë në këtë Ligj, ndërsa theksoi se interesimi i MAShT është që sa më parë të miratohet në Kuvendin e Kosovës dhe të rregullojë shumë çështje.

“Unë besoj se ky ligj do të jetë shumë më i mirë se ai që e kemi, sepse ka pasur defekte që kanë vështirësuar punën në këtë nivel të arsimit”, tha ai.

Buja, shfrytëzoi këtë takim që të japë edhe lajmin për vendimin e Qeverisë së Kosovës për zbritjen për 50 për qind të tarifave për studime në universitet, e po kaq edhe të banimit dhe ushqimit në Qendrën e Studentëve.

(Kosovapress)