MINTI: 4,699 biznese te reja janë regjistruar gjatë periudhës në 4 muajt e para të këtij viti – 477 janë shuar

Lajme

06/05/2026 09:35

Ministria e Industrisë, Ndërmarrësisë, Tregtisë dhe Inovacionit me anë të një postimi ka bërë të ditur se 4699 biznese të reja janë regjistruar në 4 muajt e parë të këtij viti.

Në komunikatën e lëshuar thuhet se gjatë kësaj periudhe janë shuar 477 biznese, transmeton lajmi.net.

Komunikata e plotë:

4,699 biznese te reja janë regjistruar gjatë periudhës janar-prill të këtij viti

Në Agjencinë e Regjistrimit të Bizneseve Kosovare (ARBK), që vepron në kuadër të Ministrisë së Industrisë, Ndërmarrësisë, Tregtisë dhe Inovacionit (MINTI), gjatë periudhës janar-prill të këtij viti, janë regjistruar 4,699 biznese te reja, ndërsa janë shuar 477.

Gjatë periudhës 1 janar deri më 30 prill 2026, janë regjistruar 4,699 biznese të reja, sipas llojit të bizneseve:

 1,119 – Biznese Individuale;

 3,561 Shoqëri me Përgjegjësi të Kufizuar;

 12 Degë të Shoqërive të Huaja;

 6 Shoqëri Aksionare;

 1 Zyrë e Përfaqësisë së Huaj.

Po ashtu, gjatë kësaj periudhe, janë shuar gjithsej 477 biznese, sipas llojit të bizneseve:

 371 Biznese Individuale;

 99 Shoqëri me Përgjegjësi të Kufizuar;

 6 Degë të Shoqërive të Huaja;

 1 Ortakëri e Përgjithshme.

Ministrisë së Industrisë, Ndërmarrësisë, Tregtisë dhe Inovacionit dhe Agjencia e Regjistrimit të Bizneseve Kosovare mbeten të përkushtuara në mbështetje të përhershme të bizneseve, duke garantuar cilësi, shpejtësi dhe përkushtim në çdo shërbim./lajmi.net/