Mbi vendin tonë janë duke mbretëruar temperatura tejet të ulëta.

Ministrja e Ekonomisë, Artane Rizvanolli ka njoftuar qytetarët se si të kursejnë energjinë-elektrike gjatë motit të ftohtë.

Ministrja Rizvanolli ka rekomanduar që pajisjet e teknikë së bardhë të përdoren pas orës 24:00, në kohën kur energjia elektrike ka ngarkesë më të vogël.

Temperaturat mbi vendin tonë parashihet që të bien edhe më tepër, ndërsa për javën e ardhshme është paraparë mot edhe më I ftohtë.

Ministrja gjithashtu ka cekur disa nga mënyrat se si do të mund të kursehet energjia përgjatë këtyre ditëve.

Postimi i plotë:

Të dashur qytetarë,

Sot janë ulur ndjeshëm temperaturat, e këtë parashikim të motit do ta kemi edhe në ditët në vijim.

Për të kursyer energjinë elektrike e gjithashtu për të mos e ngarkuar rrjetin elektro-energjetik ju lusim që të kurseni dhe të optimizoni shfrytesimin e energjisë elektrike.

Shkyçni dritat e panevojshme

Shfrytëzoni rrobalarësen pas orës 24:00

Shfrytëzoni enëlarësen pas orës 24:00

Aktivizoni bojlerin pas orës 24:00

Shfrytëzoni tharësen pas orës 24:00

Ju faleminderit për bashkëpunimin tuaj./Lajmi.net/