Ajo ka thënë se prej fillimit të vitit janë regjistruar rreth 200 kompani të huaja në ARBK. Bajrami ka shtuar se po angazhohen çdo ditë për përmirësimin e klimës së biznesit në vend.

Ajo ka treguar se Qeveria e Kosovës është duke punuar për hartimin e politikave të favorshme fiskale ndaj bizneseve. “Nëse flasim për investimet e huaja gjatë këtij viti dhe nëse i krahasojmë ato me vitin e kaluar, mund të themi se kemi ngritje të tyre, të cilat janë vërtetuar edhe nga publikimi i raportit të fundit të Bankës Qendrore të Kosovës”, është shprehur Bajrami.

Ajo në një bisedë për gazetën “Epoka e re”, ka bërë të ditur se për vitin 2015 buxheti i kësaj ministrie për tri kategoritë e para të zonave ekonomike që janë: zonat e lira ekonomike, parqet industriale si dhe parqet teknologjike është 480 mijë euro, ndërsa 150 mijë euro janë ndarë për kategorinë e inkubatorëve të biznesit.