Ministri i Punëve të Brendshme, Xhelal Sveçla, ka mirëpritur furnizimin me pajisje, automjete dhe autoblinda të reja të Policisë së Kosovës.

Sveçla ka shpërndarë pamjet e Policisë së Kosovë, derisa shkroi se fuqizimi i policisë po bëhet çdo ditë.

“Policia jonë po fuqizohet për çdo ditë. Punë të mbarë policëve tanë”, tha ministri Sveçla.

Policia e Kosovës mbrëmë njoftoi se në përputhje me objektivat strategjike dhe planifikimet afatgjate për ngritjen e kapaciteteve të burimeve njerëzore logjistike dhe teknologjike, ka nisur furnizimi me pajisje të reja për njësitë e saj.

Policia po ashtu tha se këto masa synojnë të rrisin efikasitetin dhe efektivitetin e kryerjes së detyrave policore në interes ë sigurisë së qytetarëve dhe vendit./Lajmi.net/