Kryetzari i kësaj partie ka paraqitur edhe një çmimore për postet zyrtare të Partisë së Fortë, ku në pesë vendet e para janë anëtarët e partisë.

“Pjesë e pesëshes së parë mund të jenë edhe qytetarët, por ata duhet të paguajnë miliona euro. Ndërsa deri në ulësen e dhjetë, çmimi kap vlerën prej 100 mijë eurosh”, ka thënë Arifaj, duke shtuar se do të bëhen pazare edhe për ministri për shkak të rëndësisë që ato kanë, përveç Ministrisë së Kulturës që, sipas tij, nuk është e rëndësishme dhe s’ka nevojë për pagesë.

Arifaj ka shtuar se Partia e Fortë tani është shndërruar në një version evropian për të siguruar votat edhe të shtresës së civilizuar të shoqërisë.

Arifaj ka deklaruar se do të qeshë më shumë se sa në zgjedhjet e kaluara dhe do t’u ndihmojë edhe partive të tjera, nëse kanë nevojë për ndihmë.