Ai ka premtuar që do të shkatërroj grupin e Shtetit Islamik dhe po ashtu do të bëj negociata tregtie me Kinën.

Këto deklarata ai i bëri ditën e martë në qytetin e Nju Jorkut, para një grupi të vogël mbështetësish, të cilët kishin të veshura bluza me sloganet “ Bëje Amerikën përsëri madhështore” dhe “ Jo më Politikanë të Karrierës”, transmeton lajmi.net.

Donald Trump, magnati i shkëlqyer i pasurive të patundshme dhe personaliteti televiziv i cili thotë se pasuria e tij neto vlen rreth 9 miliard dollarë ka njoftuar për një ofertë që pak ka gjasa të realizohet.

“Fatkeqësisht, ëndrra Amerikane ka vdekur”, tha Trump, “ Por nëse unë zgjidhem president, do t’ua kthej ëndrrën më të madhe, më të mirë dhe më të fortë se kurrë më parë, e po ashtu do ta bëjmë Amerikën përsëri madhështore”.

Trump është një person i famshëm, një biznesmen dhe mjeshtër i vetë-promovimit. Ai ka theksuar se do të jetë “Presidenti më i madh që e ka krijuar Zoti, për krijimin e vendeve të punës”. (lajmi.net)