Milanit i iku nga duart transferimi i Sensit, ja përse

16:23 | 15 Shtator 2019

Stefano Sensi po shkëlqen me Interin duke shënuar dy gola në tre ndeshje në Serie A, por si i iku nga duart transferimi i tij Milanit?

24-vjeçari është në formën më të mirë në karrierë falë dy golave ​​dhe dy asistimeve në tre ndeshjet e tij të para me fanellën e ‘Nerazzurri’.

Do të thotë që Sensi tashmë ka shënuar po aq herë sa ka shënuar që nga koha kur është pjesë e Serie A, përcjell lajmi.net.

Ai u largua nga Sassuolo si huazim për 5 milion euro me mundësi për ta blerë për rreth 20 milionë euro të tjera.

Sidoqoftë, para këtij transferimi të 2 korrikut, Sensi kishte qenë në prag të bashkimit me rivalët kryesor të ekipit aktual.

Sipas Calciomercato.com, negociatat u prishën sepse Milani dëshironte mesfushorin italian si huazim për dy vjet pa ndonjë garanci për ta blerë në fund të kësaj.

Interi hyri në garë dhe arriti marrëveshje me Sassuolon larg nga çmimi origjinal prej 35 milionë eurove që dëshironte klubi italian, falë edhe një shkëmbimi me disa lojtarë të ekipit të të rinjve që shkuan në stadiumin ‘Mapei’.

Ndërkohë, ‘Kuqezinjtë’ morën Ismael Bennacer nga Empoli në vend të tij, duke finalizuar një marrëveshje përpara se të zgjidhej ‘Lojtar i Turneut në Kupën e Kombeve të Afrikës’. /Lajmi.net/