Milan do aktivizojë opsionin e blerjes së Tonalit

Milan ka vendosur të aktivizojë opsionin për blerje të mesfushorit Sandro Tonali nga Brescia.

Sport

13/04/2021 13:59

Sipas Gazzetta dello Sport, italiani do këtë të ardhme te “Rossonerët” edhe pse ka pasur ngritje dhe zbritje në sezonin e parë në “San Siro”, transmeton lajmi.net.

Milan e huazoi italianin nga Brescia edicionin e kaluar me mundësi blerje, që varet nga paraqitjet e tij.

Shtatë herë kampioni i Evropës pagoi 10 milionë euro për huazim, ndërsa nëse duan ta mbajnë atëherë do paguajnë 15 milionë euro plus 10 milionë euro bonuse.

Tonali ka zhvilluar 22 ndeshje këtë edicion dhe ishte i pranishëm në 11 ndeshje në Ligën e Evropës, përfshirë edhe në fazën pre-eliminare.

Italiani ende nuk ka shënuar gol, por thuhet se ka bërë mjaftueshëm që të kompletojë kalimin te Milani./Lajmi.net/