Një ditë pasi zhvilloi bisedime në Shtëpinë e Bardhë me presidentin amerikan Donald Trump, kancelari gjerman Friedrich Merz ka thënë se disa senatorë amerikanë nuk e kuptojnë shkallën e fushatës së riarmatosjes së Rusisë.

“U takova me disa senatorë në Capitol Hill dhe u thashë që të shikojnë me kujdes çfarë armatosjeje po bën Rusia. Ata qartazi nuk kanë asnjë ide çfarë po ndodh atje tani,” ka thënë Merz, sipas Reuters, ndërsa nuk ka përmendur emra konkretë të senatorëve.

Kujtojmë se, që nga fillimi i pushtimit të plotë të Ukrainës në shkurt 2022, Rusia ka kaluar fabrikat e mbrojtjes në prodhim 24-orësh dhe ka nënshkruar marrëveshje armatimi me Korenë e Veriut dhe Iranin. Kjo ka bërë që zyrtarët evropianë të paralajmërojnë se Moska mund të jetë në prag të arritjes së kapacitetit për të sulmuar territor të NATO-s.

Edhe pse Rusia mohon se ka qëllime të tilla, duke deklaruar se po zhvillon një “operacion ushtarak special” në Ukrainë për të mbrojtur sigurinë e vet përballë një Perëndimi armiqësor dhe agresiv.