Dr. Georgina Barnett, nga Mbretëria e Bashkuar, analizoi disa pozita të preferuara të uljes së çifteve, transmeton lajmi.net.

Të gjeturat vijnë pas studimit të ri që sugjeron se çiftet relaksoheshin së bashku në dhomën e ndenjes mund të ishin më të lidhur me njëri tjetrin.

1. Ulja në divane të ndryshme

Në përgjithësi, ky pozicion i uljes vjen tek çiftet me marrëdhënie afatgjatë dhe nuk tregon domosdoshmërisht ndonjë problem.

Megjithatë, mungesa e afërsisë në këtë pozitë mund të tregojë se çifti është bërë indiferent ndaj njëri-tjetrit.

2. Këmbët në prehër

Kushdo që vendos këmbët në partnerin e tyre është ai që është në kontroll të lidhjes. Ai është në një farë mënyre duke kërkuar vëmendje dhe ka pozitë dominuese.

Ky qëndrim zakonisht tregon një marrëdhënie të lumtur, duke nënkuptuar një çift që është i kënaqur me njëri-tjetrin.

3. Përqafim në qoshe të divanit

Ekziston afërsia në këtë marrëdhënie, por ky pozicion mund të nënkuptojë gjithashtu një diferencë të fuqisë në marrëdhëniet.

Personi që shtrihet në qoshe zoteron hapësirën, duke sugjeruar besim dhe fuqi në marrëdhënie.

Partneri në mes, megjithatë, mund të jetë më pak i sigurt dhe kërkon bashkëveprim dhe siguri.

4. Përqafim në mes të divanit

Kjo mund të konsiderohet si pozita më e dashur. Në këtë pozitë, ka barazi në këtë marrëdhënie dhe një lidhje të vërtetë.

Kjo shpesh ndodh në fillim të një marrëdhënieje ku ka më shumë nevojë për siguri dhe pasioni është ende shumë i fortë. /Lajmi.net/