Megjithë politikat jo nxitëse, të vetmit në Ballkan me shtim të popullsisë

Kosova është vendi i vetëm në rajon i cili nuk e stimulon rritjen e lindshmërisë, përkundrazi e destimulon.

Lajme

08/03/2015 08:46

Mungesa institucionale ka ndikuar që në vendin tonë të bjerë numri i lindjeve për gati plot 30 mijë fëmijë gjatë dy dekadave të fundit. Derisa në vitin 1989 Kosova kishte 56 mijë lindje në vit, në vitin e shkuar kjo shifër ka rënë në 27 mijë, shkruan gazeta Zëri.

E, megjithëkëtë rënie, Kosova është akoma vendi i vetëm në rajon që ka më shumë lindje sesa vdekje, pra realizon shtim natyror të popullsisë.

Me numrin e lindjeve prej 27 mijë foshnjave, në vitin 2014, Kosova është rikthyer në vitin 1947, kur ka pasur po ashtu 27 mijë lindje me një popullsi dukshëm më të tkurrur, shkruan Zëri.