Më shumë se 1 mijë e 100 persona janë arrestuar nga protestat në Turqi.

Ministri i Brendshëm i Turqisë, Ali Yerlikaya, thotë se gjithsej 1,133 janë arrestuar që nga fillimi i këtyre protestave në Turqi javën e kaluar, shkruan BBC.

“Terrorizimi i rrugëve tona dhe kërcënimi për paqen dhe sigurinë e kombit tonë absolutisht nuk do të tolerohet”, thotë ai.

Arrestimi i kryetarit të Stambollit, Ekrem Imamoglu javën e kaluar ka nxitur protestat më të mëdha në vend në dekadën e fundit.