Agjencia e Statistikave të Kosovës në bashkëpunim me Ministrinë e Arsimit, Shkencës, Teknologjisë dhe Inovacionit publikoi sot Statistikat e Arsimit për vitin shkollor 2024/2025.

Numri i përgjithshëm i nxënësve dhe studentëve në sektorin publik dhe privat

Numri i fëmijëve në çerdhe dhe parashkollor për 2024/2025 ishte 34.038, ku krahasuar me vitin paraprak, që ishte 32.818 fëmijë, kishte një rritje të lehtë të numrit prej 1.220 fëmijë.

Në sektorin publik për 2024/2025 ishin 23.349 fëmijë ose 68.6 për qind, ndërsa në sektorin privat 10.689 ose 31.4 për qind. Krahasuar me vitin paraprak në sektorin publik ishin 24.104 fëmijë ose 73.4 për qind, ndërsa në sektorin privat 8.714 ose 26.6 për qind.

Interesim më i madh në sektorin privat në vitin shkollor 2024/2025, krahasuar me 2023/2024

Numri i nxënësve në arsimin fillor dhe të mesëm të ulët në vitin shkollor 2024/2025 ishte 208.515, prej tyre në sektorin publik ishin 199.190 ose 95.5 për qind dhe në sektorin privat 9.325 ose 4.5 për qind. Krahasuar me vitin shkollor 2023/2024, ku numri i nxënësve ishte 215.431, prej tyre në sektorin publik ishin 206.941 ose 96.1 për qind dhe në sektorin privat 8.490 ose 3.9 për qind. Sektori publik ka rënie të numrit të përgjithshëm, kurse sektori privat ka një rritje të lehtë të numrit të nxënësve krahasuar me 2023/2024, raporton KosovaPress.

Më pak nxënës të regjistruar në arsimin e mesëm të lartë

Numri i nxënësve në arsimin e mesëm të lartë në vitin 2024/2025 ishte 63.551, prej tyre në sektorin 58.337 ose 91.8 për qind, ndërsa në sektorin privat ishin 5.214 ose 8.2 për qind. Krahasuar me vitin paraprak që ishin 65.757 nxënës, në sektorin publik 60.837 ose 92.5 për qind dhe në sektorin privat 4.920 nxënës ose 7.5 për qind, ka rënie të numrit të përgjithshëm të nxënësve. Rënie më e madhe vërehet te sektori privat, krahasuar me sektorin publik.

Rënie e lehtë e numrit të studentëve krahasuar me një vit më parë

Numri i përgjithshëm i studentëve në arsimin e lartë në vitin 2024/2025 ishte 64.817, prej tyre në universitetet publike 36.609 ose 56.5 për qind, ndërsa në kolegjet private ishte 28.208 studentë ose 43.5 për qind. Krahasuar me vitin paraprak, ku ishin 70.357studentë, prej tyre në universitetet publike 39.033 studentë, ose 55.5 për qind, ndërsa në kolegjet private ishte 31.324 studentë ose 44.5 për qind, ka rënie të lehtë të numrit të përgjithshëm të studentëve.

Numri i përgjithshëm i nxënësve dhe studentëve në sektorin publik dhe privat, 2023/2024.

Numri i përgjithshëm i nxënësve dhe studentëve në sektorin publik dhe privat, 2024/2025