Me ndërmjetësimin e Grenellit, Thaçi e Vuçiq nënshkruajnë pas pak marrëveshjen për hekurudhat
Pas pak minutash, me ndërmjetësimin e të dërguarit special të presidentit amerikan, Richard Grenell, Kosova dhe Serbia do të nënshkruajnë marrëveshjen për hekurudhat dhe autostradat.
Lajme
Kjo është bërë e ditur edhe përmes një njoftimi nga ambasada e SHBA-ve në Berlin, përmes një postimi në Twitter, shkruan lajmi.net.
Aty është bërë e ditur se duke filluar nga ora 9:30, dy presidentët, Hashim Thaçi dhe Aleksander Vuçiq do të takohen me Grenellin, ku edhe do të nënshkruhet marrëveshja të cilën ata e kanë quajtur historike.
“Duke ndodhur tani- ora 9:30 në Mynih, ambasadori Grenell do të shoqërohet nga Presidenti Vuçiq dhe Presidenti Thaçi për ceremoninë e nënshkrimit për marrëveshjen për hekurudhën dhe autostradën mes Serbisë dhe Kosovës”, thuhet në postimin e ambasadës. /Lajmi.net/
Happening now – 9:30 at the Hypovereinsbank in #Munich – Amb. Grenell will be joined by Pres. Vučić and Pres. Thaçi for the historic signing ceremony for the #rail and #highway agreement between #Serbia and #Kosovo. pic.twitter.com/4yuupJ1mxC
— US-Botschaft Berlin (@usbotschaft) February 14, 2020