Një person është arrestuar në rrugën Pasion–Muçibabë, pasi dyshohet se po transportonte migrantë me automjet.

Rasti ka ndodhur më 5 shtator, rreth orës 00:20. Sipas Policisë së Kosovës, i dyshuari është ndaluar derisa ishte duke drejtuar automjetin, “ku në brendi kishte 11 (njëmbëdhjetë) emigrantë”.

Me vendim të prokurorit, për rastin është njoftuar Njësiti për Migrim, ndërsa vetura e të dyshuarit është konfiskuar dhe është dërguar në terminalin doganor.

Pas intervistimit, me vendim të prokurorit, i dyshuari është dërguar në mbajtje. /Lajmi.net/