Ka përfunduar pjesa e parë në derbin e Londrës veriore.

Arsenali kryeson me meritë 2:0 ndaj Tottenham, shkruan lajmi.net.

Gjatë gjithë pjesës së parë lojë më të mirë zhvilluan ‘Topçinjtë’.

Në fillim të takimit ishte Eddie Nketiah që kishte mundësi të mirë shënimi. Por, gjuajtjen e tij e priti portieri i Tottenham, Hugo Lloris.

Në minutën e 15` pas një goditje në portën e francezit nga Bukayo Saka, portieri gaboi dhe shënoi autogol.

Kështu kaluar në epërsi skuadrën e Arsenal.

Rast të mirë shënimi kishte edhe Martin Odegaard, por këtë herë Lloris u tregua i saktë dhe nuk lejoi topi të tundte rrjetën.

Thomas Partey gjithashtu dha një vollej-goditje, por që shtylla ia mohoi një supergol për lojtarin.

Po rridhte minuta e 36` kur kapiteni, Martin Odegaard gjuajti nga jashtë zona dhe realizoi gol të bukur duke çuar rezultatin në 2:0.

Tottenham në anën tjetër kishin mundësi me Heung-min Son dhe Harry Kane, por që Aaron Ramsdale nuk lejoi të shënojnë.

Mbetet të shihet pas 45 minutave të dytë se si do mbyllet ky takim./Lajmi.net/