13,415 qytetarë kanë aplikuar në thirrjen publike të Ministrisë së Ekonomisë për subvencionin për pajisje efiçiente për ngrohje.

Sipas njoftimit të ME-së, thirrja është mbyllur para kohe për shkak të aplikimeve në numër të mjaftueshëm. Në kushte normale planifikoj të ishte e hapur deri më 11 tetor.

“Pajisjet që do të subvencionohen përfshijnë: pompë Termike: 30% e vlerës investive, deri në 2000.00 €; kondicioner/Klimë efiçiente: 40% e vlerës investive, deri në 400.00 €; për prindërit vetushqyes dhe ata në ndihmë sociale (kategoria I & II), 60% e vlerës investive, deri në 550.00 €;  kalda me Biomasë (dru, pelet dhe briket): 70% e vlerës investive, deri në 1200.00 €; stufa Individuale: 70% e vlerës investive, deri në 435.00 €; për prindërit vetushqyes dhe qytetarët në ndihmë sociale, 90% e vlerës investive, deri në 560.00 €”, thuhet në komunikatën për media.

Bëhet e ditur se komisionet për vlerësimin e aplikacioneve kanë filluar punën e tyre të procesit të verifikimit të aplikacioneve dhe dokumentacionit të nevojshëm.