Holanda dhe Polonia janë ndarë baras 2:2, ashtu si dhe Uellsi – Belgjika 1:1.

Takimi mes holandezëve dhe polakëve ishte i baraspeshuar ashtu si edhe vetë rezultati.

Serinë e golave e hapi Cash kur gjeti golin në minutën e 18` dhe i dhuroi epërsinë Polonisë.

Pjesa e parë u mbyll me fitore minimale të polakëve, transmeton lajmi.net.

Pjesa e dytë ishte më e mirë, pasi u shënuan edhe tri gola, përcjell lajmi.net.

Ishin sërish polakët që gjetën golin e dyfishimit të rezultatit me Zielinski në minutën e 49`.

Por, Holanda u rikthye shpejtë, brenda tre minutash barazuan ndeshjen.

Fillimisht shënoi Klaassen në të 51` dhe më pas Dumfries në të 54`, kështu e barazuan rezultatin në 2:2.

Pas këtij barazimi Holanda qëndron në vendin e parë me shtatë pikë, kurse Polonia në të tretin me katër gjithsej.

Belgjika në anën tjetër, nuk arriti fitore pasi në minutat e fundit uellsianët barazuan.

Gjatë gjithë takimit ndeshje më të mirë zhvilluan mysafirët.

Në minutën e 51` ishte Tielemans që shënoi golin e vetëm për belgët.

Uellsi arritën të siguronin të paktën një pikë, kur në minutën e 86` shënoi Johanson për 1:1.

Belgjika pas këtij barazimi pozicionohet në vendin e dytë me katër pikë, Uellsi në vendin e fundit me vetëm një pikë./Lajmi.net/