Mbreti Charles do të kryejë angazhimin e tij të parë të madh publik që nga diagnoza e tij me kancer.

Mbreti dhe Mbretëresha Camilla do të vizitojnë një spital dhe një qendër të specializuar të kancerit, në një shfaqje publike të mbështetjes për stafin, pacientët dhe punën e vazhdueshme kërkimore, raporton BBC, transmeton Klankosova.tv.

Përveç pjesëmarrjes në një shërbim kishtar të së dielës së Pashkëve, Mbreti ka qëndruar larg ngjarjeve publike dhe turmave.

Por javën e kaluar Pallati Buckingham lëshoi një deklaratë me një mesazh më pozitiv për shëndetin e monarkut, transmeton Klankosova.tv.

Mjekët e Mbretit thanw se ishin “shumë të inkurajuar nga përparimi i bërë deri më tani” në trajtimin e tij për një formë të paspecifikuar të kancerit.

Kjo do të thotë se ai është në gjendje të fillojë një kthim gradual në angazhimet publike, duke filluar me udhëtimin simbolik në një qendër kanceri të martën.

Përvoja e fundit personale e mbretit me kancerin, e cila u diagnostikua në shkurt, do t’i sjellë një rëndësi shtesë vizitës së tij në spital – ku ai do të nderojë përpjekjet e stafit në emër të pacientëve, familjeve dhe kujdestarëve.