Zëvendësministri i Ministrisë së Mbrojtjes Shemsi Syla shpesh herë është bërë emër i përmendur nëpër media.

Në disa raste për “përplasjet” që kishte brenda ministrisë, e në disa të tjera për deklarimet në lidhje me ushtrinë e armatimin.

Por këtë herë Syla ishte pjesë e deklarimit të pasurisë në kuadër të Agjencisë për Parandalimin e Korrupsionit.

Në deklarimin e bërë të pasurisë, Shemsi Syla si pasuri të paluajtshme ka deklaruar disa toka, banesë, e në vitin 2025 edhe një truall dhe shtëpi në vlerë 54 mijë e 720 euro.

Përpos kësaj, Syla deklaroi edhe një veturë të bashkëshortes që thotë se e ka të fituar nga një lojë shpërblyese në një prej marketeve të vendit.

E në të ardhurat vjetore personale dhe familjare, Syla deklaroi se merr edhe pension – por edhe pagë nga ministria.

Syla deklaroi pensionin bazë kontributdhënës, pagën përmes ministrisë si dhe pensionin e FSK-së.

Kurse bashkëshortja e tij deklaroi pagën në shumë vjetore 573.56 euro./Lajmi.net/