Mbi 300 pickime nga rriqrat në Klinë

10:50 | 5 Qershor 2014

Foto ilustrim

Në Qendrën Kryesore të Mjekësisë Familjare “Nënë Tereza” të Klinës, janë trajtuar më shumë se 300 raste të pickimit nga rriqrat. 

Nga 300 rastet, dy prej tyre dyshohet të jenë prekur nga ethet hemoragjike, ka deklaruar infektologu Haxhi Ibishi.

Infektologu Ibishi thotë se zgjidhja adekuate për mbrojtjen e qytetarëve  nga rriqrat, mbetet vaksina.

Komuna e Klinës, edhe përkundër numrit të madh të të pickuarve nga rriqrat nuk është paraparë të përfshihet në dezinfektimin e terrenit në projekt nacional, gjë të cilën e konfirmon edhe Ali Ahmetgjekaj drejtor i QKMF-në Klinë.

Qytetarët fajësojnë autoritetet përkatëse, të cilat sipas tyre nuk po marrin masat adekuate për mbrojtjen e qytetarëve nga rriqrat, raporton RTK.

Klina është zonë endemike qe çdo vit përballët me rriqra, ndërsa pas luftës ka rezultuar me dy të vdekur.