Juan Mata, dhe jo vetëm. Kolonia spanjolle në shtëpinë e Manchester Unitedit, është në pritje për të mësuar nëse Victor Valdes do të nënshkruajë kontratë, e që rrezikon të përcillet me largimin e titullarit të deritashëm, David de Gea.

Por, sipas portalit të së përditshmes sportive katalane “Sport.es”, gjatë afatit kalimtar të janarit mund të ndodh një e papritur.

Ander Herrera, futbollisti i cili iu bashkua Manchester Unitedit gjatë afatit kalimtar të verës nga Athletic Bilbao mund të nxirret në shitje, menjëherë gjatë muajit të parë të vitit 2015 pasi nuk e ka bindur menaxherin Louis van Gaal se i përshtatet skemave të tij në Old Trafford.