Manchester United mund ta ndërrojë mendjen sa i përket blerjes së Radamel Falcaos në fund të këtij sezoni, për shkak të problemeve të vazhdueshme të sulmuesit me lëndime, raporton “The Sun”.

United thuhej se është i gatshëm të paguajë 44 milionë funte për transferimin e yllit kolumbian në kontratë afatgjate në fund të këtij sezoni, pas marrëveshjes njëvjeçare të huazimit, gjatë afatit kalimtar të verës.

Falcao ka pësuar një lëndim serioz të gjurit që e la pa u paraqitur në Kampionatin botëror për Kolumbinë dhe së fundmi sërish ka munguar tek United për shkak të një dëmtimi. Kjo e ka vënë në dyshim të ardhmen e tij në Old Trafford.