Legjenda e Milanit, Paolo Maldini ka nderuar Silvio Berlusconin, i cili ka vdekur në moshën 86-vjeçare.

Mediat në Itali dhe ato ndërkombëtare bën të ditur sot që Berlusconi ka ndërruar jetë në moshën 86 vjeçare.

Berlusconi i çoi ‘kuqezinjtë’ nga pragu i falimentimit në vitin 1986 për t’u bërë klubi më i suksesshëm në futbollin botëror me 29 trofe.

Pas shitjes, ai bleu Monzën në divizionet e ulëta dhe i çoi në sezonin e tyre të parë në Serie A.

Ish-kryeministri, manjati i medias dhe prania e vazhdueshme në diskursin italian për dekada, Berlusconi do të marrë një funeral shtetëror në Katedralen Duomo në Milano të mërkurën.

Shumë klube dhe futbolldashës reaguan për vdekjen e tij, së fundmi ashtu bëri edhe Maldini.

“Na largohet një gjeni, vizionar dhe ëndërrimtar, por mbi të gjitha një mik që ndryshoi historinë e Italisë sonë”, shkroi ikona e kuqezinjve Maldini në Instagram.

“Faleminderit për gjithçka President, na lejove ne Milanistëve të jetojmë një ëndërr që zgjati mbi 30 vjet. Askush nuk do të jetë më si ju”, shkroi ai.

Berlusconi kishte kaluar pjesën më të madhe të dy muajve të fundit në spital për trajtim, duke zbuluar se ai vuante nga një formë leukemie për dy vjet.

Ai thuhet se kishte shkuar në Spitalin San Raffaele për më shumë teste vetëm për të vdekur në orën 9:30 të mëngjesit me orën lokale këtë mëngjes./Lajmi.net/

https://www.instagram.com/p/CtY1GFMtN12/?utm_source=ig_embed&ig_rid=d447e969-7935-4caa-9389-b753dc3d26eb