Maldini: Milani kampion edhe sezonin e ardhshëm
Drejtori sportiv i Milanit, Paolo Maldini është ekzaltuar pasi skuadra e tij e fitoi titullin e kampionit në Serie A për sezonin 2021/22.
Sport
Milani mbrëmë mposhti Sassuolon 3:0 kështu për tu shpallur kampion në Seria A, pas 11 viteve.
Ai pas ndeshjes ndaj Sassuolos dhe festës së titullit i ka shpallur ‘luftë’ rivalëve të qytetit, Interit duke thënë me bindje se Milani do ta vendosë yllin e dytë në fanellë pasi, sipas tij, ata do të shpallen kampion edhe në sezonin e ardhshëm.
“Ne do ta vendosim në fanellë edhe yllin e dytë sezonin e ardhshëm”, ka thënë Maldini, përcjell lajmi.net.
Milani dhe Interi kanë nga 19 tituj në Serie-A dhe skuadra që e fiton titullin e radhës nënkupton se do ta ketë edhe yllin e dytë në fanellë. Një yll vendoset pas 10 titujve./Lajmi.net/