Presidenti i Francës, Emmanuel Macron përmes një njoftimi në “X”, ka treguar për një bisedë telefonike me Kryeministrin Kurti.

Ai ka thënë se Franca mbështet pavarësinë dhe integrimin evropian të Kosovës.

Macron ka përmendur përkushtimin e tij për dialogun ndërmjet Serbisë dhe Kosovës, në mbështetje të ndërmjetësimit evropian si dhe bëri thirrje për zbatimin e plotë të marrëveshjeve Bruksel-Ohër.

“Presidenti i Republikës përshëndeti zbatimin e vendimit të Gjykatës Kushtetuese për Manastirin e Deçanit. Megjithatë, ai nënvizoi rëndësinë që Franca i kushton, edhe në kontekstin e aplikimit të Kosovës për anëtarësim në Këshillin e Evropës, progresit të shpejtë dhe të pakthyeshëm në zbatimin nga autoritetet kosovare të Asociacionit të Komunave me shumicë serbe”, thuhet në njoftim.

Presidenti i Macron ka shprehur keqardhje për dështimin e votimit për revokimin e disa kryetarëve të komunave në veri të Kosovës. Ai gjithashtu ka kujtuar se mbetet i domosdoshëm organizimi sa më i shpejtë i zgjedhjeve të reja, me pjesëmarrjen e popullatës serbe.

Postimi i plotë:

Le Président de la République 🇫🇷s’est entretenu par téléphone avec Albin Kurti, Premier ministre du 🇽🇰, ce mardi 23 avril 2024. Communiqué ⬇️
President Macron spoke on the phone with PM Kurti today. Communiqué below ⬇️ https://t.co/WLPyppo5wW

— Ambassadeur Olivier Guerot (@Olivier_Guerot) April 23, 2024