“Luks për mbajtjen e shënimeve”- Presidenca hap tender 70 mijë euro për tableta
Presidenca e Kosovës ka shpallur tender 70 mijë euro për blerjen e 75 tabletëve “për mbajtjen e shënimeve”, me specifika që përputhen me iPad Pro 11-inch. Tenderi ende nuk është dhënë, por bazuar me çmimin e parashikuar, një tablet i bie të kushtojë rreth 930 euro. Insajderi sjell detaje. Zyra e Presidentit të Republikës së…
Lajme
Presidenca e Kosovës ka shpallur tender 70 mijë euro për blerjen e 75 tabletëve “për mbajtjen e shënimeve”, me specifika që përputhen me iPad Pro 11-inch. Tenderi ende nuk është dhënë, por bazuar me çmimin e parashikuar, një tablet i bie të kushtojë rreth 930 euro. Insajderi sjell detaje.
Zyra e Presidentit të Republikës së Kosovës me 20 tetor ka hapur tender për “furnizim me pajisje elektronike për mbajtjen e shënimeve”.
Me 23 tetor, pas tri ditëve është publikuar formulari standard për korrigjimin e gabimeve në njoftimet e publikuara.
Vlera e parashikuar e këtij tenderi është 70 mijë euro.
Në dosjen teknike janë përshkruar specifikat e pajisjes tablet:
Kërkohet ekran me frekuencë 120Hz, rezolucion 2360×1640 pikselë, procesor me “Neural Engine”, laps magnetik, dhe një mbulesë mbrojtëse për tablet.
“Specifikacioni Tipi i paisjes Tablet Madhesia Minimum 11-inch Tipi i Ekranit Ekran IPS LED-backlit Multi-Touch, minimum 11-inch, me rezolucion 2360×1640 pixels, mbështetje për True Tone, P3 wide color dhe frekuencë deri 120Hz. Hapesira Minimum 256GB Konektiviteti Minimum Wi-Fi 6, Bluetooth 5.3, USB-C with functions Charging, DisplayPort dhe Data transfer Kamera Minimum 12MP Front with autofocus dhe 5x Digital Zoom; Support for minimum 4k, 1080p & 720p video recording; Minimum 12MP Rear; Support for minimum 1080p & 720p video recording. Sistemi operativ Apple IOS ose Android. Procesori Mimimum 5-Core me performancë të lartë për pajisje mobile, i integruar në çip të dedikuar për grafikë dhe inteligjencë artificiale (Neural Engine). Audio Integrated Speakers and Dual Microphone. Bateria Integrated lithium‑polymer battery with up to 9-hours battery life. Ngjyra Silver Garancioni 12 muaj”, thuhet në përshkrimin për këtë tablet, transmeton insajderi.
Sipas një kalkulimi të thjeshtë, në total, i bie që të kushtojë rreth 930 euro për një tablet që do të përdoret, sipas përshkrimit zyrtar, “për mbajtjen e shënimeve”.
