Bayern Munich dhe Lucas Hernandez s’janë larg marrëveshje për rinovim.

Qendërmbrojtësi francez, Lucas Hernandez, siç raporton ‘Kicker’, është afër të rinovojë kontratën e tij me Bayern Munich, përcjell lajmi.net.

Kontrata aktuale e lojtarit skadon në vitin 2024, por bavarezët e duan në skuadër edhe për disa vite të tjera.

Krerët e klubit e shohin lojtarin si pikë bosht të mbrojtjes së klubit për vitet e ardhshme, së bashku me Dayot Upamecano e Matthijs de Ligt.

Mediat gjermane nuk japin vit të saktë, por thonë se kontrata e re do të jetë “afatgjate”. /Lajmi.net/