Lluka: Privatizimi i Telekomit, i domosdoshëm

Ministri i Zhvillimit Ekonomik, Valdrin Lluka, ka thënë se privatizimi i Telekomit është i domosdoshëm.

Lajme

26/02/2019 21:23

Ministri i Zhvillimit Ekonomik, Valdrin Lluka, privatizimin e Telekomit po e cilëson si të domosdoshëm.

Lluka në televizionin publik ka thënë se nëse nuk bëhet tash, Telekomi do të shkojë drejt falimentimit për shkak të borxheve.

“Qëndrimi i Telekomit është shumë i vështirë, dhe do të vijë koha që situata do të vështirësohet edhe më shumë, sidomos kur është çështja e borxhit që e ka Telekomi. Kjo e çon në falimentim të menjëhershëm”, ka thënë ai.

Sipas Llukës, duke e parë situatën në të cilën është Telekomi, privatizimi i tij është i domosdoshëm.

“Duke parë këtë situatë, mendoj që një privatizim është i domosdoshëm”, ka thënë Lluka.