Ai ka shprehur vlerësimin se nuk do të ketë zgjedhje të reja.

“Nëse kandidati nuk do ta ketë shumicën e votave të deputetëve, Kuvendi, sipas interpretimit tim të asaj që ka shkruar Gjykata Kushtetuese, ka të drejtë dhe obligim që ta gjejë kryetarin e Kuvendit”, ka thënë ai.

Sipas tij, është pak e mundshme që ndonjë nga partitë e bllokut ta mbështesë kandidatin e Partisë Demokratike të Kosovës.

“LDK, AAK dhe NISMA në asnjë rast nuk do ta mbështesë kandidatin e PDK së Hashim Thaçit për kryetar të Kuvendit. Ne jemi të përcaktuar qartë që ta mbështesim atë kandidat që e ka shumicën e votave”, ka thënë ai.

Ai ka thënë se aktualisht shumicën mund ta sigurojë Isa Mustafa.

“Nëse numrat e njërit apo koalicionit tjetër mbesin kështu si janë, është e sigurt që Lista Serbe do të mbështesë Isa Mustafën, sepse ai ka numër më të madh të votave”.