Të Infektuar: 55.135

Të Shëruar: 48.572

Të Vdekur: 1.399

Likaj konfirmon se mësimi fillon më 18 janar

15:35 | 14 Janar 2021

Ilustrim

Ministri në detyrë i Arsimit, Ramë Likaj, ka konfirmuar se mësimi do të fillojë më 18 janar.

Përmes një postimi në Facebook ai ka bërë të ditur se sot ka takuar drejtorët e Drejtorive Komunale të Arsimit dhe ka kërkuar që të bëhen përgatitjet e nevojshme për gjysmë vjetorin e dytë që do të fillojë më 18 janar 2021.

Njoftimi i plotë:

Sot takova Drejtorët e Drejtorive Komunale të Arsimit dhe kërkova që të bëhen përgatitjet e nevojshme për gjysmë vjetorin e dytë që do të fillojë më 18 janar 2021. Parësor mbetet mësimi sipas skenarit A me prezencë në shkolla, mirëpo varësisht nga situata epidemiologjike do të përdoren edhe skenarët tashmë të njohur (B dhe C) të paraparë në udhëzuesin e përgjithshëm të MASh. Kërkova bashkëpunim të ngushtë te të gjithë akterëve në mënyrë që të krijohen të gjitha kushtet për fillim të mbarë të mësimit.

Në takim i pranishëm ishte edhe shefi i zyrës së UNICEF-it në Kosovë z. Murat Sahin të cilin e falënderova për ndihmën e jashtëzakonshme që na kanë dhënë gjatë kësaj kohe.  /Lajmi.net/