Një aksident trafiku ka ndodhur pak më parë në lagjen Kalabria të Prishtinës.

Në aksident janë përfshirë një veturë dhe një motoçikletë me targa vendore.

Rastin për Lajmi.net e ka konfirmuar zëdhënësja e Policisë për rajonin e Prishtinës, Flora Ahmeti, ku tha se një person ka pësuar lëndime dhe është dërguar për trajtim mjekësor.

“Rreth orës 19:00, në lagjen Kalabria, në Prishtinë ka ndodhur një aksident ku janë përfshirë një automjet dhe një motoçikletë. Si pasojë e aksidentit është lënduar një person i cili është dërguar për trajtim mjekësor. Me rastin po merret njësiti i trafikut të kryeqytetit”, tha Ahmeti.

Policia ka nisur hetimet për të sqaruar shkaqet dhe rrethanat e këtij aksidenti./Lajmi.net/