Latifi: Këta që sot e përdhosin shtatoren e Skënderbeut, nesër do ta përdhosin edhe atë të Adem Jasharit
Analisti Blerim Latifi ka reaguar ashpër ndaj aktit vandal në Prizren, ku shtatorja e heroit kombëtar, Gjergj Kastriot Skënderbeut u ly me ngjyrë. Në një postim në rrjetet sociale ai paralajmëroi për mundësinë që edhe figura të tjera kryesore të trashëgimisë kombëtare të jenë në rrezik. “Këta që sot e përdhosin shtatoren e…
Lajme
Analisti Blerim Latifi ka reaguar ashpër ndaj aktit vandal në Prizren, ku shtatorja e heroit kombëtar, Gjergj Kastriot Skënderbeut u ly me ngjyrë.
Në një postim në rrjetet sociale ai paralajmëroi për mundësinë që edhe figura të tjera kryesore të trashëgimisë kombëtare të jenë në rrezik.
“Këta që sot e përdhosin shtatoren e Skënderbeut, nesër do ta përdhosin edhe atë të Adem Jasharit. Të jeni të sigurt për këtë. Sepse janë të një fare dhe ushqehen nga i njëjti burim antishqiptar. Sepse Adem Jashari, fund e krye, është brenda konceptit të Skënderbeut për luftën kundër shtypjes dhe tiranisë.”, ka shkruar Latifi në Facebook.
Postimi i plotë:
Këta që sot e përdhosin shtatoren e Skënderbeut, nesër do ta përdhosin edhe shtatoren e Adem Jasharit. Të jeni të sigurt për këtë.
Sepse janë të një fare dhe ushqehen nga i njëjti burim antishqiptar.
Sepse Adem Jashari, fund e krye, është brenda konceptit të Skënderbeut për luftën kundër shtypjes dhe tiranisë. Këtë e dëshmon flamuri me të cilin luftoi dhe ra Adem Jashari. E dëshmon kredoja e tij jetësore: “Besa-besë dhe veç një vdekje, tjetër s’ka; në grykë të pushkës.” Një kredo kjo puro shqiptare dhe puro skënderbegiane. Dhe vetëm e tillë.
