Dhe ‘traileri’ i këtij filmi është lansuar sot, në ditën kur reperi do i mbushte 45 vjeç nëse do ishte ende gjallë.

Me skena drithëruese dhe me ekipin e aktorëve, “All Eyes On Me”, do të paraqesë jetën e reperit të ndjerë nga Kalifornia, vrasja e të cilit ende ka mbetur mister i pazbuluar.

Edhe pse karakteri i Tupac Shakur është konsideruar si shumë i vështirë për t’u perceptuar nga të tjerë, puna e aktorit kryesor Demetrius Shipp Jr. ka dhënë rezultat të mirë, pikërisht për shkak të ngjashmërisë së madhe me Shakur.

Ky film është bërë nën regjinë e Benny Boom kurse producenti ekzekutiv ka qenë e ëma e 2Pac, Afeni Shakur, e cila ka vdekur me 2 maj të këtij viti.

Filmi ‘All Eyes On Me’, që është titulluar sipas njërit prej albumeve më të mirë të reperit, do të ketë premierën më 11 nëntor të vitit 2016 vetëm 2 ditë para 20 vjetorit të vdekjes së reperit më të mirë prej të gjitha kohërave (GOAT).

Tupac Shakur është qëlluar për vdekje mbrëmjen e 13 shtatorit të vitit 1996 kur në moshën 25 vjeçare ai kishte dhënë frymën e fundit. Ka me mijëra teori që tentojnë të shpjegojnë të vërtetën e vrasjes së tij por ky do të jetë sekret i madh edhe për shumë kohë. Vlen të ceket që Tupac ka edhe fansa të tillë që mendojnë se reperi ende është i gjallë!/ORAinfo